Лак-далап туралы не білеміз

Далаптың бір сәтте көңіл-күйді көтеріп жіберетін қасиетін көбі байқаған болар? Бейнеңізді түрлендіру үшін міндетті түрде шаш үлгісін немесе гардеробты өзгерту қажет емес, бар болғаны далаптың реңкін өзгертсеңіз жеткілікті. Косметика алпауыттары тұтынушылардың көңілінен шығу үшін жылдар бойы жаңа текстуралар мен реңктерді шығарып келеді. Қазіргі таңда ерінге арналған лакты далап өзекті.

Ерінге арналған лак – бұл сөздерді оқығанда ойыңызға не келеді? Шашқа немесе тырнаққа арналған лакқа балама ретінде тұрақты және жылтыр бірдеңе елестейтін болар? Ерін жылтырағына ұқсас, алайда біршама қалың текстуралы. Негізінде бәрі сіз ойлағандай, тек пайдалану әлдеқайда жеңіл.

Ерінге арналған лак, басқаша айтқанда, лакты ерін далабы – бұл өте ыңғайлы және жайлы бір құтыдағы жылтырақ пен далап десек болады. Ерінге арналған жылтырақтар сияқты, лактар да аппликатор-спонжы бар құтыда болады. Олар ерінді жылтыратады және пайдалы қасиеттерімен ерінді күтіп-баптайды. Бірақ, ерінге арналған жылтыраққа қарағанда текстурасы біршама қалың және тұрақты қанық түске ие

Лакты далап қалай пайда болды?

Ең алғашқы ерінге арналған лактар екі косметикалық алпауыт Lancôme мен Chanel-дің көпжылдық зерттеулерінің нәтижесінде 2009 жылы пайда болды. Олар кремдік текстураға тұрықты пигменттерді қосты.

Қазірде ерінге арналған лактардың бірнеше түрі бар. Сол түрлеріне байланысты оларды үш топқа бөлуге болады

Қалың жағылатын пигментті далап

Олар ерінді жұмсартады және қоректендіреді. Қалың текстуралы болғандықтан жақсы және тегіс жағылады. Қою қанық түспен қамтамасыз етеді және жылтыр әсері ұзақ сақталады. Бұл әмбебап лактарды түсіне байланысты күндіз де, кешке де жағуға болады




Қанық түсті жеңіл далап

Бұл топқа жаңа өнімдер кіреді. Олар ерінде тіпті сезілмейді: құрамындағы балауызды алмастырған су жағылған соң қанық түс пен жылтырағын қалдырып, бірден жоғалып кетеді. Олар барынша табиғи көрінеді. Бұл құралдар күндізгі макияж үшін тамаша жарасады, кешкі макияжды да ауырлатпайды, бірақ тым сезімтал теріні құрғатуы мүмкін

Бұл тұрақты ерін далаптарына жатса да, текстурасы лакқа келеді. Бұл далаптардың бір жағы велюр аппликатор арқылы тегіс жағылатын пигментті крем болса, екінші жағы – ерінді жылтыратуға арналған шашақпен жағылатын жылтырақ. Құрамындағы ұшпа-майлар мен эластомердің арқасында экстра-тұрақты, тіпті тамақ ішкенде де кетпейді және маңызды іс-шараларға тиімді.

                                                          

Тэги: лак