Сегодня 29 марта, пятница ГлавнаяНовостиО проектеЛичный кабинетПомощьКонтакты Сделать стартовойКарта сайтаНаписать администрации
Поиск по сайту
 
Ваше мнение
Какой рейтинг вас больше интересует?
 
 
 
 
 
Проголосовало: 7272
Кнопка
BlogRider.ru - Каталог блогов Рунета
получить код
Пока я падаю, я всё-таки лечу
Пока я падаю, я всё-таки лечу
Голосов: 1
Адрес блога: http://gipsylilya.livejournal.com/
Добавлен: 2008-08-04 10:41:35 блограйдером pinker
 

Просто в порядке практики. Перевода не надо, вы этот рассказ читали

2017-04-24 13:58:06 (читать в оригинале)

Сандратэ на сыс зор тэ зрикирэл ясва. Пирдал дуй чёна ёй джяла дэ Стара Загора - перво моло дро джиипэ! - и адасавэ бритка йидяса по латэ? Нэ со, нашты тэ зорякирэн ёнэ ваш единственна внучкакэ? Нашты тэ патял, со пхурома на оттходэ набут ловэ, сарэ пхурэ оттховэна ловэ.

- Мамолэ, ёнэ на модна нисыр!

- Ёнэ барвалэ савэ! Дыкх, савэ розы! - мами буг'лэдыр роскрэнцындя по васта барэ болыбныткэ подя, соб вышивка сыс дыкхны фэдыр.

- Мамолэ, адалэ подя... Адасавэ барэ! Никон на урёла пэ акадякэ!



- О, ту тэ крэнцынэс тольки палуеса ангил чявэндэ. Лаче подя, тэ сарэ йидя лаче. Нанэ вавир! Или ту лэнса джяс, или мэк джинцынса, - мами холямэс лыя пэ тэ вчювэл вешалка дро мэнытко, а Сандра на зрикирдя пэ тэ зарудя дэ глос. Палсо джиипэ налачё ласа? Ёй сы бидадэнгри, лангалы, муй сыр подхачино псирого, акана инке тэ джял ёй дэ Стара Загора йидяса сыр пэ Золушкатэ мультикостыр. Сарэ лэна тэ сан пэ сыр дыкхэн ла! А то тэ кхэлэл ёй бийиденгри, на джянэс, со хуже.

Нэ, дыкх, инке дуй чёна кыж о тарго, сыр ада со нашты ничи тэ придуминэл?

- Сыр тутэ бут ясва блэкинды, лэ вастэнса патаво тэ морэс ясвенца трэмо, - годлякирдя мами соибныткостыр. Сандра, дараны тэ на кандэл, лыя вадра паняса кицык ачья пэ тэ лыя пэ тэ тхиинэл патавэса трэмо дэ кухня.

Авэнас лэндэ шукар блискуча шторы, ёй зорякирэлас бы тэ мангэл пхуромня тэ дэл лэн и шидя бы йидя кокори. Васта латэ лаче! Нэ по фэнштры до кухня убладэ сыс тольки надлуга занавески лулудорьенца, до соибнытко мамьятэ - серо пурано тюль, а ваврэ штубы тэ ваврэ шторы до кхэр на сыс.

- Мамолэ, - чяй годлякирдя. - Мэк амэ пиришиваса подя адалэ йидя?

- На сы амаро. Трэби тэ отдас саво лыям, - мами пхэндя зоралэс.

- А ту лыян, пхэндян со отдэс?

- Конешно. Николи мэ милости на мангыём.

- Мамолэ, нэ Петка ж на лэла тэ урёл лэн инке! Палсо лакэ адасавэ йидя, ёй пала бьяв тхулыя шэл молы.

- Саво лыям, адасаво отдас, - палэ пхэндя пхури, тэ Сандра опять лыя тэ чивэл ясва и тэ тхиинэл киндэ патавэса пир о паркето хиворьенца. Нанэ лакэ бахт насави, бидадэнгри ёй, чёрушка... Авэнас джидэ дадоро даёрьенца, разве б ёнэ на розмарэнас бы тэ урёл екх лэнгрэ чяёрья сыр трэби... На камэла никон Сандры, екхджины ёй сы по парно свэто...

Конешно, дэ глос ёй на пхэндя ада саро - мамьятэ дукхалас бы йило. Наг'ара латэ паш-шэл бэрша, тэ уже назоралы сари ревматизмостыр. Адякэ Сандра доморыя трэмо.

Тэги: цыганский, язык

 


Самый-самый блог
Блогер ЖЖ все стерпит
ЖЖ все стерпит
по количеству голосов (152) в категории «Истории»


Загрузка...Загрузка...
BlogRider.ru не имеет отношения к публикуемым в записях блогов материалам. Все записи
взяты из открытых общедоступных источников и являются собственностью их авторов.