Пока я падаю, я всё-таки лечу Голосов: 1 Адрес блога: http://gipsylilya.livejournal.com/ Добавлен: 2008-08-04 10:41:35 блограйдером pinker

Платье. Допереведу уж кусками, потом выложу

2017-04-26 15:45:22 (читать в оригинале)

Отэнчя кэ Сандра Ели явья, лакри троюродно пхэн тэ кокори лачи амалы. Елякро кхэроро сыс по вавир риг гав, тэ Ели сыс барэдыр Сандратыр екх бэршэса. Нэ чяя саекх тыкнэ бэршэндыр саро кэрэнас кхэтанэ. Даже до школа лэн отдынэ дуйджиня, тэ сыклён повеселее.

Акана Ели ваврэс часто лыя пэ тэ прастал кэ Сандра кхэрэ. До дова бэрш ёй джиндлякирдя пэ до Стара Загора Микоса, тэ ёнэ покамлэ екх екхэс. Ада сыс баро сукрето, сыр джинэл варикон - чякиро шеро датхыр. Екх Сандра джинэлас. Ёй гаравэлас телефонов, со Мико дыя камлякэ чёраханэс. Елятэ кхэрэ латхэнас бы лэс сыго. Акэ Ели прасталас кэ Сандра тэ гинэл сообщенья, тэ чинэл ответы.

Чяя бэшнэ пэ Сандракри кушетка, Ели розчюдя косметика: ёй дыя лав тэ сыкавэл пхэнякэ сыр тэ макхэл пэ. Сандра чюдя тэлэ косметичка телефонов, и Ели, дыкхны кругом чёраханэс, вылэлас лэс, гинэл тэ сыго тасавэлас по кнопки тэ ответинэл. Пхури пала ванта дыкхэлас телеко, пхуро инке на рисыя. Ели сыс зарундлы, сыр и Сандра. Косметика пасёлас по покрывало ивья.

- На скэдыя, - шептиндя Ели. - Тэ на скэдэла, нисыр. И кредито лэскэ на дэна, забутякирэл дырван набут.

Лакирэ барэ зэлэна якхэндыр прастандынэ ясва, нэ ёй лэн сыго тхииндя. Адалэ зэлэна ясва сыс Еликри бида. Чудом никон на мангыя ла до дова моло, а до дава соло чячес латхэна пала конэстэ тэ отдэн: чяя зэлэна якхэнца сы куч... Если Мико на латхэла ловэ по лачё выкупо, а тэ латхэн лэн сыс никак, выджял Ели палором пала вавир чявэстэ.