Пока я падаю, я всё-таки лечу Голосов: 1 Адрес блога: http://gipsylilya.livejournal.com/ Добавлен: 2008-08-04 10:41:35 блограйдером pinker

2012-09-27 13:14:50 (читать в оригинале)

- Мэ тут на джинав,
на сан мири дай,
сан парны гаджи,
отъячь мандыр, отъячь.
Кай угыя мри дай?
Ёй мангэ ячядя шпэры,
ёй чурдыя кашторэ по дром,
соб мэ ла тэ дотрадав.
Мэк ман!
Мэ поджяв пир о дром,
кай пэталэ до прахо
вычиндя буквицы пала мандэ.
Мирэ датэ якха калэ,
и бала калэ,
и ушта калэ,
а тутэ якха синя,
бала жолта,
ушта розова,
на сан мири дай!
Кай ту ман лыджяс?
Шунэс, шунэс, рома баган?
Ёнэ свэнко кэрэна,
бравинта пьяна,
гэрэнца кхэлэна.
Мэк ман, мэ поджяв кэ рома.
Сом бокхало,
камам по свэнко.
Уй!
Дэвла!
Хасиём!
Со за громо?
Кацыр о громо?
Состыр рома на баган кана?
Гаджи, палсо ту ровэс?